Вярховічы. Сядзіба Ротаў

Невялікае мястэчка Вярховічы ў Камянецкім раёне вядзе сваю гісторыю з 16 стагоддзя. У тыя часы гэты край належыў роду Копацяў. Тут быў іх маёнтак у часы Вялікага Княства Літоўскага з якога Васіль Копаць выстаўляў у час вайны коней для войска. Затым гэта былі ўладанні роду Войнаў. Пасля трэцяга падзелу Рэчы Паспалітай у 1795 годзе маёнтак у складзе Расійскай імперыі.

У 19 стагоддзі Вярхівічы становяцца цэнтрам воласці Брэсцкага уезда Гродзенскай губерніі. У гэты перыяд гаспадарамі маёнтка становяцца Роты. Ім належыла сядзіба ўжо да 1939 года. Роты актыўна займаліся ня толькі пытаннямі сваёй сядзібы, але і гаспадаркай і праблемамі самога мястэчка. З 1878 года Іван Рот стварыў у сядзібе ферму па развядзенні буйной рагатай жывёлы. Прымаў удзел на розных выставах і жывёла з маёнтку неаднойчы адзначалася медалямі і ўзнагародамі. Быў пабудаваны півавараны завод і бровар (вінакураны). Пасля Рыжскага міру 1921 года мястэчка ў складзе Польскай дзяржавы. Пасля прыходу савецкай улады ў 1939 годзе маёмасць маёнтка была канфіскавана – гэта 20 двароў, дзе было каля 100 чалавек і быў арганізаваны калгас «Парыжская камуна».

 Ад былога маёнтка да нашага часу застаўся панскі парк з прудам і гаспадарчыя мураваныя будынкі бровару і трохпавярховы каменны будынак склада. Будынкі дагэтуль выкарыстоўваююца ў гаспадарчых мэтах.