Шастакова. Сядзіба Траўгутаў.

Паміж горадам Высокае і раёным цэнтрам Камянец знаходзіцца невялікая вёска Шастакова. Калісці ў гэтым мястэчку быў фальварак, дзе нарадзіўся рэвалюцыянер Рамуальд Траўгут.

У самым пачатку 19 стагоддзя маёнтак Шастакова належыла Паўлу Гофмейсцеру. Арандаваў маёнтак небагаты шляхціч  Людвіг Траўгут, які быў жанаты на Алаізе Блоцкай. У іх сям'і 4 студзеня 1826 года нарадзіўся сын Рамуальд.

 Па спадчыне Шастакова перайшло ад Паўла Гофмейсцера да яго сына Апалінарыя, які вучыўся ў Берліне ва ўніверсітэце і там далучыўся да польскай патрыятычнай арганізацыі і прымаў удзел у арганізацыі загавара ў 1840 – х гадах за што быў арыштаваны і сослан, а перад гэтым быў у Вільні прывязаны да ганебнага слупа. Гадоў праз 10 Апалінарый вярнуўся ў маёнтак і пачаў займацца гаспадаркай і асветай. Адчыніў школу для вясковых дзяцей. У час паўстання 1863 – 1864 гадаў Апалінарый стаў кіраўніком паўстанцкіх сіл на Брэсчыне. Падтрымліваў сувязі з Р. Траўгутам, якога ведаў з маленства. Паўторна арыштаваны ў 1864 годзе і сасланы на катаргу, дзе і памёр. У міжваенны перыяд да 1939 года маёнтак належыў Сцялецкім.

 Сам будынак гаспадарскі быў невялікі  ў плане падоўжаны прамавугольнік драўляны дом у традыцыях народнага драўлянага дойлідства. Уваход быў аформлены ў выглядзе крыльца з казырком на 2 слупах. Побач быў невялікі пейзажны парк каля 6 гектараў, які захаваўся да нашага часу. У перыяд Польскай дзяржавы ў 1920 – х гадах перад домам у парку быў усталяваны памятны валун у гонар Рамуальда Траўгута.

 У 1988 годзе на тэрыторыі былога маёнтка быў усталяваны новы памятны знак. Р. Траўгут (1826 - 1864) -  генерал, рэвалюцыянер, адзін з кіраўніклў анцірасійскага паўстання 1863 – 1864 гадоў.