Вярховічы. Царква Святога Мікалая

У цэнтры мястэчка Вярховічы знаходзіцца царква Святога Мікалая. Храм узведзены ў 1818 годзе на сродкі вядомага беларускага магнатскага рода графа Хадкевіча. Першапачаткова гэта быў каталіцкі касцёл Святой Троіцы, які потым перайшоў да праваслаўных вернікаў.

 У пачатку 17 стагоддзя ў 1615 годзе гаспадар мястэчка Каспар Дзембінскі фундавалі ў Вярховічах першы касцёл. У гэтым касцёле ў 1823 годзе вянчаліся новыя гаспадары мястэчка Караль Рот і Паўліна Высоцкая. Пасля падаўлення анцірасійскага паўстання К. Каліноўскага касцёл перадалі праваслаўным і будынак перабудавалі пад царкву ў 1866 годзе. У 1899 годзе адбыўся пажар і Траецкая царква згарэла і на тым жа месцы пабудаваны новы храм у 1903 годзе. У час Першай сусветнай вайны царква зноў згарэла. І на гэтым месцы ў часы Польскай дзяржавы недзе ў 1933 годзе быў пабудаваны новы касцёл. Будынак узводзіўся па праекту архітэктара з Брэста на сродкі прыхаджан і фудацыі Ротаў.  Асвячэнне новага касцёла прайшло ўрачыста ў прысутнасці гасцей з Пінска і Брэста. Касцёл потым перайшоў да царквы пасля вайны, бо каталікоў амаль не засталося і ксёнз перадаў храм праваслаўным вернікам.

 Будынак драўляны. Да асноўнага зруба прыбудавана шматгранная апсіда і бакавая сакрысція. Над прытворам надбудавана высокая чацверыковая вежа, якая завершана шатром з цыбулінай. Галоўны ўваход аформлены порцікам з 4 калонамі. У апошнія гады ў царкве праведзены рамонт.

На мясцовых могілках ёсць яшчэ адна драўляная праваслаўная царква, якая пабудавана ў пачатку 20 стагоддзя