Стайкі. Сядзіба Лашкевічаў.

У Баранавіцкім раёне ў мястэчку Стайкі захавалася сядзіба роду Лашкевічаў. Стайкі знаходзяцца паміж Баранавічамі і мястэчкам Вольна. Сядзіба складаецца з мураванага палаца, парка і гаспадарчых пабудоў.

Упершыню мястэчка ўпамінаецца ў 16 стагоддзі ў часы Вялікага Княства Літоўскага.

У тыя часы прадстаўнік татарскага княжацкага роду Хусейн Малікбаш прадаў маёнтак у Стайках Богушу Аўсянніку. Затым мястэчкам валодаў берасцейскі і кобрынскі стараста, падканцлер Вялікага Княства Літоўскага, Яўстафій Валовіч. У часы Рэчы Паспалітай у 18 стагоддзі належыла роду Лопацей. У 1787 годзе мястэчка набыў стараста карпецкі Тамаш Здань Пушкін. У перыяд Расійскай імперыі ў маёнтку мелася 654 дзесяціны зямлі.

У другой палове 19 стагоддзя мяентак перайшоў да Лашкевічаў. На мяжы 19 – 20 стагоддзяў Лашкевічы перабудавалі стары палац і сядзібу. У той час сядзіба складалася: палац, парк з садам, лядоўня, жылыя флігелі, сыраварня і гаспадарчы двор. Меўся таксама цагельны завод.

У 1911 годзе – маёмасць Адольфа Іосіфавіча, а ў 1914 - Наталлі Грацыянаўны Лашкевіч. 

Зараз сядзібу выкупіў прыватны гаспадар і пачалася рэстаўрацыя. Уваход да палацу абмежаваны, бо па перыметру ўсталяваны забор.