Баршчэва. Царква Святога Ануфрыя

Паміж Высокім і Камянцом ёсць невялікая вёска Баршчава, дзе ў 19 стагоддзі была пабудавана мураваная царква. Храм знаходзіцца на заходняй ускраіне мястэчка недалёка ад могілак. Царкву пабудавалі ў 1840 годзе з бутавага камяня на сродкі прыхаджан і графіні мясцовай памешчыцы Пелагеі Грабоўскай.

Прыход напрыканцы 19 стагоддзя складаў 887 мужчын і 887 жанчын з 5 бліжэйшых вёсак. Мелася таксама капліца праваслаўная на мясцовых могілках у гонар Святой Параскевы. Пры царкве існавала праваслаўнае брацтва і царкоўна - прыхадское папячыцельства. Было адчынена 2 царкоўна – прыхадскія школы ў Баршчэва і Хоцінаве, дзе навучалася хлапцоў і дзяўчат 87 чалавек. Пры царкве святароў было двое: сам святар і псаломшчык. Зямлі царкоўнай было 57 дзесяцін. На супраць царквы знаходзіцца  двухярусная брама – званіца з цыбулінай. Царква ў плане мае прамавугольнік і накрыта двухсхільным дахам. Галоўны фасад аформлены ў выглядзе рызаліта прытвора. Над асноўным аб'ёмам малітоўнай залы ўсталяваны васьмігранны барабан з цыбулінай, да якой прыбудавана апсіда з рызніцамі. Дэкарытыўны прыём аздобы будынка спалучаецца на атынкованых пабеленых частках храма і сцен з натуральнага камяня. Інтэр'ер падзелены драўлянымі слупамі на тры нефы. Над уваходам знаходзяцца хоры. Маецца драўляны разны іканастас. У царкве праведзены рамонт.