Індура. Сядзіба Бжастоўскіх–Казлоўскіх.

У мястэчку Індура Гродзенскага раёна ёсць мноства помнікаў архітэктуры і даўніны. Паселішча заснавае на невялікай рачулке Індурка.

Гісторыя Індуры вельмі старажытнае аб чым нам сведчыць гарадзішча на ўскрайку мястэчка. У час археалагічных раскопак было выяўлена, што у 11 – 13 стагоддзі на гэтым месцы існаваў феадальны замак, які быў умацаваны земляным валам перад якім быў абарончы роў. У час раскопак былі знойдзены кераміка, зброя, наканечнікі стрэл і многае іншае. Гарадзішча мае статус помніка археалогіі.

Упершыню Індура сустракаецца ў пісьмовых крыніцах у 16 стагоддзі ў эпоху Вялікага Княства Літоўскага. У той час тут знаходзіўся маёнтак маршалка Яна Давойнавіча, які заснаваў драўляны Траецкі касцёл у 1522 годзе. Далей у 16 – 17 стагоддзях мястэчка належыла роду Кішкаў, Радзівілаў, Пацаў, Валовічаў, Млечкам, Ісайкоўскім.

 А ў 18 стагоддзі гаспадарамі тут былі Агінскія і Масальскія з Салагубамі.

Пасля трэцяга падзелу Рэчы Паспалітай сядзібай у мястэчку валодалі Бжастоўскія і род Казлоўскіх.

Да нашага часу на ўскрайку мястэчка захаваўся сядзібны дом на вуліцы Саломавай.

 Гэта аднапавярховы сіметрычны мураваны будынак. Галоўны ўваход аформлены двухпавярховай часткай з мансардай. Уваход завершаны трохкутным франтонам. Зараз будынак прыстасаваны пад жылыя кватэры. Таксама недалёка знаходзіцца некалькі мураваных гаспадарчых будынкаў.