Індура. Царква Аляксандра Неўскага
Храм
Беларусь, Гродзенская вобл., Гродзенскі район, Індура.
0
32
19.02.2025
Апісанне
У цэнтры Індуры Гродзенскага раёна пабудавана праваслаўная царква Аляксандра Неўскага. Храм узведзены ў 19 стагоддзі ў часы Расійскай імперыі. Зямлю пад святыню даў мясцовы памешчык І. Казлоўскі сядзіба якога захавалася на ўскраіне мястэчка. Будынак створаны па тыпавому праекту і ў дапрацоўке плана прымаў удзел губернскі архітэктар Калянкевіч. Помнік пабудаваны ў рэтраспектыўна – рускім стылі. З боку апсіды створана мастацкае пано. Складаецца будынак з 4 асноўных архітэктурных частак. Тэрыторыя каля храма добраўпарадкавана. Царква дзейнічае.
Катэгорыі
Гістарычнае
Помнік архітэктуры
Месцазнаходжанне
Шырата: 53.46288868
Даўгата: 23.88477494
Каментары
Усяго каментароў: 0
Нататкі да месца
1Алег Дзьячкоу
19.02.2025
Індура. Царква Аляксандра Неўскага.
Архітэктурнай дамінантай з'яўляецца каталіцкі касцёл Святой Троіцы 19 стагоддзя, вежа са шпілем якога бачныя здалёк. Таксама ў мястэчку захаваліся да нашага часу мураваная сінагога, праваслаўная царква 19 стагоддзя, панская сядзіба. Ёсць таксама некалькі старажытных могілак і мураваных гаспадарчых будынкаў.
Пры ўездзе ў Індуру з боку Гродна па Гродзенскай вуліцы з правага боку знаходзіцца мураваная праваслаўная царква Аляксандра Неўскага. Храм пабудаваны ў 1881 годзе ў часы Расійскай імперыі.
Зямлю пад царкву ў цэнтры мястэчка даў прыхаджанам мясцовы памешчык Іван Казлоўскі. Спачатку быў распрацаваны першы праект у 1876 годзе па ўзвядзенню царквы, але яго не прынялі. Другі праект царквы на 350 прыхаджан распрацаваў губернскі архітэктар Калянкевіч у 1879 годзе. Гэты ж архітэктар распрацаваў для храма іканастас.
Помнік узведзены ў рэтраспектыўна–рускім стылі. Складаецца будынак з чатырох асноўных архітэктурных частак: прытвор, трапезная, малітоўная зала і апсіда. На апсідзе храма створана мастацкае пано на евангельскі сюжэт. У 2010 годзе праведзены рамонт будынка.
Каментары
Усяго каментароў: 0