Слонім. Сядзіба Пуслоўскіх у прадмесці Альбярцін.

Першым гаспадаром сядзібы быў маршалак шляхты Слонімскага павета Войцех Пуслоўскі. Пасля трагічнай смерці аднаго са сваіх каханых сыноў па імі Альберт, ён даў назву ўсёй сядзібе ў гонар свайго сына - Альбярцін. У 1870-я гады сядзібу была пераназваная ў гонар рускага імператара Аляксандра Другога ў Александрынск. У 1920-я гады сядзіба зноў стала насіць назву "Альбярцін".

Маёнтак праславіўся сабранай гаспадаром цудоўнай калекцыяй карцін італьянскіх мастакоў. Побач з сядзібай у другой палове 19 - пачатку 20 стагоддзя знаходзілася мноства прадпрыемстваў, на якіх выраблялі шоўк, сукно, запалкі, паперу, ткалі дываны, лілі чыгун, выраблялі цэглу, малолі муку.

Сёння перабудаваны стары млын, выкарыстоўваецца як цэх кардонна-папяровага завода «Альберцін», якому належыць увесь сядзібна-паркавы комплекс.

Першапачаткова сядзібна-паркавы комплекс уключаў у сябе зімовы палац, святочны палац і летні палац, а таксама шэраг дапаможных памяшканняў.

Да сённяшніх дзён нядрэнна захаваўся Зімовы палац. Цяпер у ім размяшчаецца спартыўны клуб кардонна-папяровага завода "Альбярцін".

Святочны палац, у якім Пуслоўскія прымалі гасцей і ладзілі балі, таксама захаваўся, толькі нязначна быў перабудаваны. Вядома, што за савецкім часам тут была бальніца. Цяпер у будынку знаходзіцца Дом культуры, маладзёжны цэнтр і гарадская бібліятэка. Захавалася і ўпрыгожанне палаца - скульптуры львоў на ўваходзе.

Летні палац, на жаль, не ўдалося захаваць. У 2005 годзе на яго падмурку з выкарыстаннем захаваных чарцяжоў летняга палаца ўзвялі новы будынак, у якім зараз размяшчаецца кафэ і гасцініца.

Захаваліся дапаможныя памяшканні сядзібы, стайні: яны перабудаваны і сёння тут жывуць людзі.

Побач з сядзібай размешчаны старажытны парк і возера Альбярцін, на якім абсталяваны пляж.

Сядзіба Пуслоўскіх у Слоніме будзе цікавая ўсім турыстам, якія неабыякавыя да гісторыі нашай краіны і цікавяцца ёй. Сядзіба ўваходзіць у спіс гісторыка-культурных каштоўнасцей Беларусі. У гэтым месцы можна атрымаць асалоду ад прыгажосці прыроды, а таксама даведацца шмат новага аб мінулым нашай краіны.