Адэльск. Касцёл Ушэсця Дзевы Марыі

 У Гродзенскім раёне на мяжы з Польшай знаходзіцца невялікае мястэчка Адэльск, дзе пабудаваны старажытны драўляны каталіцкі касцёл Ушэсця Дзевы Марыі. Назва мястэчка ад рачулкі Одлы, якая ўпадае ў раку Свіслач. Адэльск вядомы з часоў Вялікага Княства Літоўскага з 15 стагоддзя, як мястэчка на старым гандлёвым шляху з Брэста на Гродна.

Першы каталіцкі касцёл узведзены ў 1490 годзе. Храм быў драўляны, асвечаны ў гонар Ушэсця Найсвяцейшай Дзевы Марыі. Фундаваў каталіцкую святыню кароль Казімір. Храм пабудаваны ў форме крыжа і меў адну вежу.

 Каралева Бона Сфорца ў 1546 годзе надала прывілеі мястэчку на правядзенне кірмашоў і часткова вызваліла ад падаткаў. Прывілеі былі значна пашыраны ў 16 – 17 стагоддзях Стэфанам Баторыям і Уладзіславам Вазай. У 1660 годзе кароль Жыгімонт Ваза даў дазвол на будаўніцтва касцёла ў мястэчку і далучыў Адэльск да каралеўскіх маёнткаў. Касцёл асвяцілі ў гонар Прачыстай Маці Божай. У 18 стагоддзі пабудавана сінагога. Пасля падзелаў Рэчы Паспалітай мястэчка было ў складзе Прусіі.

Новы каталіцкі касцёл пабудаваны ў 18 стагоддзі. На 1781 год мелася прыхаджан больш 4 тысячы вернікаў. Да прыходу адносілася яшчэ некалькі бліжэйшых мястэчак.

У 1898 годзе храм адрамантаваны. Помнік узведзены ў стылі барока. Гэта трохнефная базіліка з трансептам і пяцігранай апсідай. Маецца некалькі алтароў. Перад касцёлам мураваная званіца.