Краскі. Сядзіба Сегліцаў.

У Ваўкавыскім раёне ў мястэчку Краскі ёсць сядзіба, якая падобная на сярэднявечны замак.

У 18 стагоддзі Краскі належалі роду Сухадольскіх, у пачатку 19 стагоддзя перайшлі да Булгариным. З сярэдзіны 19 стагоддзя уладальнікамі маёнтка становіцца род Сеглiцаў. На мяжы 19-20 стагоддзяў пачалося будаўніцтва каменнага двухпавярховага палаца. У 1905 годзе была дабудавана на ўсходнім баку будынка вялікая каменная вежа з флюгерам, на якім была дата пабудовы палаца. Адначасова былі створаны і зубчастыя парапеты, што стылізавала палац пад сярэднявечны замак.

Гісторыкі трактуюць стыль палаца як неагатычны. Частка будынка драўляная, а частка каменная. У Палацы налічваецца больш за 20 пакояў. Унутраная планіроўка анфіладная.

У савецкія гады ў будынку знаходзіліся медыцынскія ўстановы, якія прыводзілі сядзібу ў заняпад. Тут былі санаторый і прафілакторый.

Некалькі гадоў таму сядзібу выкупіў расійскі прадпрымальнік і пачаліся работы па рэстаўрацыі.

Сядзіба знаходзіцца на левым беразе невялікай рачулкі Зэльвянкі на ўсходняй ускраіне вёскі. Каля Палаца размяшчаюцца гаспадарчыя будынкі і пейзажны парк. Гаспадарчыя пабудовы каменныя з цэглы і бутавага каменя.