Луцкаўляны. Вадзяны млын.

У мястэчку Луцкаўляны Гродзенскага раёна знаходзіцца каменны вадзяны млын. Уваходзіць у склад Індурскага сельскага савета. Можна паглядзець спачатку шматлікія помнікі ў Індуры, а потым пару кіламетраў праехаць у Луцкаўляны.

Мястэчка знаходзіцца на беразе прыгожага возера, дзе на беразе пяшчаны абсталяваны пляж. У самім пасёлку цячэ невялікая рачулка Індурка.

Упершыню Луцкаўляны згадваюцца ў гістарычных крыніцах у часы Вялікага Княства Літоўскага ў 1784 годзе.

У перыяд пасля Рыжскага міру 1921 года мястэчка ўваходзіла ў склад Польшчы да 1939 года да прыходу савецкай улады, у склад гміны Індура Гродзенскага павета Беластоцкага ваяводства.

З 1965 года ў Луцкаўлянах працуе гісторыка–краязнаўчы музей «памяць», у якім налічваецца каля 10 тысяч экспанатаў. У музеі ёсць сякеры эпохі неаліту, асабістыя рэчы акадэміка Яўхіма Карскага, які нарадзіўся ў суседнім пасёлку Лаша.

Я. Карскі (1861-1931)–этнограф, фалькларыст, палеограф, філолаг-славіст, заснавальнік Беларускага навуковага мовазнаўства і літаратуразнаўства. Акадэмік Пецярбургскай Акадэміі Навук. Быў сапраўдным членам Інстытута беларускай культуры.

У цэнтры мястэчка ёсць абеліск, прысвечаны падзеям Вялікай Айчыннай вайны.

Вадзяны млын на рацэ Індурка пабудаваны ў канцы 19 стагоддзя. Будынак мураваны, у плане прамавугольны. Статусу помніка не мае.