Лаша. Царква Святога Мікалая.

У цэнтры мястэчка Лаша ў Гродзенскім раёне пабудавана праваслаўная драўляная царква Святога Мікалая. Упершыню мястэчка вядома з часоў Вялікага Княства Літоўскага з 16-га стагоддзя.

Царква пабудавана ў 1863 годзе ў часы Расійскай імперыі. Да прыходу адносілася 14 бліжэйшых вёсак і мястэчак: Кавалічы, Жукевічы, Баброўнікі, Балічы, Літвінкі, Пагараны і іншыя. Парафія складалася з 1746 мужчын і 1662 жанчын, а ўсяго 3408 чалавек. Пры царкве мелася праваслаўнае брацтва, царкоўна–прыходскае папячыцельства, народнае вучылішча на 99 вучняў, і сем царкоўна-прыходскіх школ. Служыла пры храме тры святары: настаяцель і два псаломшчыкі. Царкоўнай зямлі мелася 78 дзесяцін.

Вакол царквы ўзведзена каменная агароджа з бутавага каменя. І побач каменныя вароты-званіца.

Першапачатковы план па пабудове царквы, які распрацаваў павятовы інжынер Станкевіч у 1853 годзе, прадугледжваў узвесці будынак у стылі класіцызму з порцікам і калонамі. Аднак праект перапрацавалі ў рэтраспектыўна-рускім стылі.

Будынак пабудаваны ў традыцыях народнага драўлянага дойлідства, і складаецца з двух асноўных архітэктурных частак: бабінец і малітоўная зала.

У інтэр'еры маецца тры нефа. Над уваходам хоры з балюстрадай. У храме ёсць цудатворны абраз Святога Мікалая.

У мястэчку Лаша нарадзіўся выбітны беларускі, польскі і расійскі навуковец філолаг, акадэмік Яфім Карскі (1860-1931).