Сноў. Палац Рдултовских 19-га стагоддзя.

У нясвіжскім раёне ў мястэчку Сноў ёсць палацава – паркавы архітэктурны комплекс 19 стагоддзя, які пабудавалі Рдултоўскія. Першы палац быў узведзены ў 1760 годзе Янам Хрызастомам Рдултоўскім, які аднойчы прымаў у сябе ў гасцях караля Рэчы Паспалітай Станіслава Панятоўскага. Новую сядзібу пабудавалі на беразе рачулкі Сноўка пры Казіміры Рдултоўскім, які заснаваў тут суконную фабрыку і сваю рэзідэнцыю з зімовым садам і галерэяй. З 1854 года палац у Снове разам з зямлёю перайшоў да барона Густава Гарцінга, род якога валодаў маёнткам да 1939 года. У 1920 – х гадах барон Генрык Гарцінг прыстасаваў палац пад патрэбы польскага корпуса аховы мяжы. А сам барон жыў у адным з гаспадарчых пабудоў. У савецкі час тут знаходзіўся ваенны шпіталь. Нядаўна палац выкупіў прыватнік. Плануецца рэстаўрацыя. Маёнтак меў форму прамавугольніка з плошчай каля 37 гектараў і ўключаў у сябе палац, пейзажны парк з сажалкай. Палац у даўжыню складае 140 метраў. Галоўны ўваход у палац аформлены чатырохкалонным порцікам з выкарыстаннем іанічнага ордэра. У палацы ёсць парадная зала, плошча якой перавышае 100 кв. м. У сучасны момант  пры ўваходзе на тэрыторыю сядзібы ёсць вартаўнік, які пускае на тэрыторыю парка. А палац, пакуль што, зачынены для наведвальнікаў.