Вялікая Ліпа. Пакроўская царква

У мястэчку Вялікая Ліпа былі пабудаваныя сядзіба роду Абуховічаў і на старадаўніх могілках уніяцкая Свята - Пакроўская царква. Храм пабудаваны ў 1773 годзе. Мураваны. Пасля скасавання ўніяцтва быў перададзены праваслаўным вернікам. У 19 стагоддзі пры царкве ўзведзены драўляны будынак царкоўна – прыхадской школы. Пасля развала Савецкага Саюза царква была адрамантавана. Зараз дзейнічае.

Пакроўская царква – гэта помнік архітэктуры барока. У плане будынак прамавугольны, які завяршае паўкруглая апсіда. Храм зальнага тыпу. На 2 – х калонах размешчаны хоры з балюстрадай. З лева ад царквы пабудавана мураваная званіца. На званіцы ўсталявана некалькі старадаўніх званоў.  З права ад царквы знаходзіцца капліца роду Абуховічаў, якая была пабудавана ў 19 стагоддзі ў стылі класіцызму. Могілкі з царквой абнесены мураванай агароджай з вежамі, стылізаванымі пад замкавыя ўмацаванні. Ад Пакроўскай царквы добра праглядаецца сядзіба Абуховічаў.