Друцкаўшчызна. Капліца-пахавальня роду Слізняў.

      У мястэчку Друцкаўшчызна Нясвіжскага раёна на мясцовых могілках пабудавана каменная капліца-пахавальня. У 19 стагоддзі ў мястэчку была сядзіба вядомага беларускага роду Слізняў. Быў пабудаваны палац, гаспадарчыя будынкі і касцёл.

           Капліца пабудавана ў 19 стагоддзі ў стылі класіцызму дарычны ордэр. Храм каменны, узведзены з цэглы, атынкаваны. У плане квадратны з цэнтрычнай кампазіцыяй. З кожнага фасада прыбудаваны Порцік з двума калонамі і трохкутным франтонам.

        У апошнія гады капліца прыйшла ў заняпад - праваліўся дах і каменны пол. Падлога таксама правалілася і засыпала склеп з пахаваннямі. У падвал вяла асобная лесвіца. Каля капліцы захавалася некалькі старажытных пахаванняў прадстаўнікоў роду Слізняў.

       У сядзібе ў Друцкаўшчызне доўгі час жыў Атан Ян Слізень (1806 - 1887) – пісьменнік, мемуарыст. Родам са шляхецкага роду. Брат скульптара і мастака Рафаіла Слізня. Нарадзіўся Отан у бацькоўскай сядзібе Вольна Баранавіцкага раёна. У дзяцінстве Атана і Рафаіла бацькі прывезлі да дзядоў па матчынай лініі ў сядзібу ў Друцкаўшчызну.

Атан вучыўся ў Наваградку, дзе пасябраваў з паэтамі Адамам Міцкевічам і Янам Чачотам. Потым вучыўся ў Полацку ў езуіцкай акадэміі і ў Віленскім універсітэце. Прымаў удзел у асветніцкай працы студэнцкага гуртка філарэтаў.

       Служыў у расійскай арміі, і пасля адстаўкі пасяліўся ў Друцкаўшчызне. Тут ён напісаў свае мемуары, якія былі надрукаваныя. Памёр і пахаваны тут жа.