Сноў. Сядзіба Гартынгаў.

У мястэчку Сноў Нясвіжскага раёна ёсць некалькі помнікаў архітэктуры і дзве сядзібы з палацам. У цэнтры пасёлка знаходзіцца велізарны палац з паркам Рдултоўскiх, касцёл 18-га стагоддзя Яна Хрысціцеля, казарма польскіх памежных войскі 1929 года і яшчэ некалькі гістарычных аб'ектаў. 

           На ўскраіне Сноў знаходзіцца фальварак Горны Сноў, дзе захавалася сядзіба з палацам 19-га стагоддзя і на пагорку праваслаўная царква Космы і Дэміяна.

         Сядзібай Горны Сноў спачатку валодалі Рдултоўскія і Абухавічы. А з 1854 года маёмасць набывае густаў Гартынг. Наступнымі гаспадарамі былі яго сын Мікалай і ўнук Генрых. Цэнтрам сядзібы з'яўляецца палац, пабудаваны Гартынгамі ў сярэдзіне 19-га стагоддзя ў стылі класіцызму.

       Будынак мураваны з цэглы, атынкаваны. Складаецца з двухпавярховага корпуса на высокім цокальным паверсе і аднапавярховага крыла. Падлога была з паркета і мелася некалькі кафляных печаў. Да нашага часу захавалася адна печ у стылі мадэрн з зялёнага кафлі.

         Акрамя палаца, побач ёсць парк і гаспадарчы двор з некалькімі каменнымі будынкамі. Парк створаны ў пейзажным і рэгулярным стылі. Парк па плошчы складае шэсць гектараў. У парку перад парадным фасадам былі пасаджаныя дэкаратыўныя расліны: явар, ружы, бэз, і іншыя расліны. 

          Гартынгі былі гаспадарамі да прыходу савецкай улады ў 1939 годзе. У часы СССР тут была бальніца. У апошнія гады сядзіба з палацам знаходзіцца ў запушчаным стане і чакае новых гаспадароў.