Сноў. Касцёл Яна Хрысціцеля 18-га стагоддзя.

Першы касцёл у Снове пабудаваны ў 17 стагоддзі. Храм быў драўляны. Мураваны будынак у стылі барока ўзведзены ў 1760 годзе Янам Хрысціянам Рдултоўскім. У тыя часы паны Рдултоўскія валодалі маёнткам у мястэчку Сноў. У часы Расійскай імперыі ў 1866 годзе касцёл быў зачынены і перададзены праваслаўным вернікам пад Спаса – Праабражэнскую царкву. Царкву адрамантавалі ў 1884 годзе. Святыня была вернута да каталікоў у часы Польскай дзяржавы пасля рэвалюцыі ў 1921 годзе. У часы вайны касцёл моцна пацярпеў і пэўны час быў занядбаны. Праведзена рэстаўрацыя і зараз касцёл дзейнічае.  Будынавк у плане прамавугольны. Галоўны фасад касцёла  аздоблены скульптурамі святых і  складаецца з трох частак па вертыкалі: з бакоў выступаюць дзве вежы. Інтэр'ер храма быў распісаны каляровымі малюнкамі. Але роспісы не захаваліся.