Слонім. Касцёл Святога Андрэя.

У горадзе Слонім шмат помнікаў архітэктуры. У горадзе даволі шмат і старажытных культавых пабудоў. Адным з самых велічных храмаў горада з'яўляецца каталіцкі касцёл Святога Андрэя. Касцёл размешчаны крыху ў баку ад асноўнай гістарычнай часткі Слоніма, за водным каналам, на плошчы імя Льва Сапегі.

Першы каталіцкі храм у Слоніме, як адзначаюць даследчыкі, быў пабудаваны ў канцы XV стагоддзя на грошы караля Казіміра IV Ягелончыка. У 16 стагоддзі стараста Слоніма Леў Сапега ахвяраваў пад касцёл зямлю. У 17 стагоддзі касцёл быў разбураны падчас вайны. У 1775 годзе быў пабудаваны цагляны касцёл Святога Андрэя, які моцна пацярпеў падчас Першай сусветнай вайны і адноўлены ў польскі час. Пасля вайны ў савецкія гады касцёл закрылі і тут знаходзіўся склад. У 1990 годзе святыню перадалі католікам і пачалася рэстаўрацыя. Цяпер касцёл дзейны.

Касцёл пабудаваны ў стылі позняга барока з элементамі ракако, аднанефны. Галоўны фасад хвалісты, двухвежавы з фігурным шчытом. Манументальныя скульптуры святых Пятра і Паўла ў нішах фасада. У інтэр'еры некалькі алтароў, выкананых у стылі ракако. Сцены храма ўпрыгожаны дэкаратыўным роспісам. На бакавых сценах знаходзяцца 2 фрэскі, сюжэт якіх узяты з Бібліі. Інтэр'ер упрыгожаны дэкаратыўнай ляпнінай.

Калі ўбачыце гэты касцёл, ён вам можа нечым нагадаць не будынак, а нейкі смачны торт з крэмам. Будынак вельмі велічны і вытанчаны, з мноствам упрыгожванняў і скульптур. Касцёл дзейны.