Слонім. Помнік Льву Сапеге.

У горадзе Слоніме ў гістарычным цэнтры на плошчы Леніна знаходзіцца помнік канцлеру Льву Сапеге. Гэта гістарычная фігура з'яўляецца значным грамадскім дзеячом і палітыкам у маштабах усёй Беларусі.

Л.Сапега вельмі шмат зрабіў для горада Слоніма і ўсяго рэгіёна. Леў Сапега (1557 - 1633 ) быў старастам горада Слоніма з 1586 года. У гэты час горад імкліва развіваўся і будаваўся. Па хадатайніцтве Л. Сапегі Слонім у 1591 годзе атрымаў права Магдэбургскае. Узведзена была ратуша, масты і плошчы, гандлёвыя рады і ствараліся цэхі рамеснікаў. Горад атрымаў герб з выявай льва, які трымае ў лапах залатую стралу з радаваога герба магнатаў Сапегаў. Склаўся ў гэты перыяд гістарычны цэнтр з брукаванымі вуліцамі.

 Ідэя ўсталяваць помнік Л. Сапеге ў Слоніме існавала даўно і з 2008 года пачаўся збор сродкаў. Штогод у верасні на Беларусі адбываецца рэспубліканскае свята Дзень беларускага пісьменства і ў 2019 годзе яно праходзіла ў горадзе Слонім. З гэтай нагоды ў жніўні 2019 года ў цэнтры горада была ўсталявана бронзавая скульптура Льва Сапегі. Афіцыйнае адкрыццё помніка прайшло 1 верасня 2019 года ў прысутнасці ганаровых гасцей і грамадскасці.

Аўтарамі помніка з'яўляюцца вядомыя беларускія майстры: Сяргей Логвін, Уладзімір Піпін і ураджэнец слонімскага краю Іван Міско