Слонім. Раённы краязнаўчы музей імя І. Стаброўскага

У гістарычным цэнтры горада Слоніма знаходзіцца краязнаўчы музей у старажытным будынку. Музей спачатку быў прыватны і адчыніўся яшчэ у часы Польскай дзяржавы ў 1929 годзе. Заснаваў музей вядомы краязнавец і археолаг, палкоўнік царскай арміі Іосіф Стаброўскі (1870 - 1968).

Усё сваё жыццё І. Стаброўскі вывучаў гісторыю свайго краю і сабраў унікальную калекцыю. З прыходам савецкай улады ў 1939 годзе 5 тысяч экспанатаў перадаў у дар дзяржаўнаму музею ў Слоніме. У Час акупацыі калекцыі музея ўдалося зберагчы ад разрабавання і вываза ў Германію, дзякуючы І. Стаброўскаму.

 З 1957 года  і па сённяшні час музей знаходзіцца у каменным двухпавярховым  старажытным будынку 19 стагоддзя  на плошчы Леніна, 1. У 2002 годзе на будынку музея ва ўрачыстай абстаноўцы была адчынена гранітная мемарыяльная шыльда ў гонар Іосіфа Стаброўскага.

 На сённяшні дзень экспазіцыя музея прадстаўлена ў 10 залах на плошчы 400 квадратных метраў. Музей мае каля 30 тысяч экспанатаў. Многія з экспанатаў унікальныя, напрыклад, ідал 10 стагоддзя, нумізматычная калекцыя манет 17 – 19 стагоддзяў, археалагічныя знаходкі з раскопак, бронзавы бюст Напалеона 19 стагоддзя, Статут Вялікага Княства Літоўскага 17 стагоддзя і многае іншае.

У музеі можна набыць сувеніры.