Слонім. Будынак ратушы

У гістарычным цэнтры горада Слоніма захаваўся будынак ратушы. Будынак знаходзіцца на перакрыжаванні вуліцы Савецкай і Першамайскай. Раней тут была гандлёвая плошча. З лева і з права былі домікі адна і двухпавярховыя рамеснікаў і купцоў, а пасярод плошчы былі гандлёвыя рады – аднапавярховы доўгі будынак чатырохкутны ў плане і па перыметру былі лаўкі гандляроў.

 Помнік узведзены ў другой палове 18 стагоддзя ў стылі барока. Пазней будынак некалькі разоў перабудоўваўся.

Пасля Вялікай Айчыннай вайны ў будынку працаваў гарадскі выканаўчы камітэт.

А зараз тут знаходзіцца з 1988 года Слонімская раённая бібліятэка імя Якуба Коласа. З 1993 года ў бібліятэцы працуе Музей беларускай кнігі, дзе захоўваецца мноства рарытэтаў і рукапісаў, якія звязаныя з нашымі літаратарамі. Тут ёсць мноства інфармацыі, дакументаў і кніг з аўтографамі нашых вядомых пісьменнікаў і паэтаў: Якуба Коласа, Валянціна Таўлая і ншых пісьменнікаў. Асобны пакой адведзены земляку Алегу Лойка – выбітнаму літаратуразнаўцу, паэту і пісьменніку.

Помнік мураваны двухпавярховы будынак, прамавугольны ў плане. Раней уваход быў аформлены чатырохкалонным порцікам з скульптурай на франтоне. Ад былога дэкора захаваліся пілястры.

Будынак мае статус помніка архітэктуры.