Слонім. Мячэць

У горадзе Слоніме недалёка ад гістарычнага цэнтра знаходзіцца мячэць. Старая драўляная мячэць была знішчана нацыстамі ў час вайны, а гэты мураваны храм быў створаны ў 1990 – я гады.

Мячэць знаходзіцца на беразе канала Агінскага і адрас па вуліцы Агінскага, дом 10. Старажытная мячэць знаходзілася ў горадзе па вуліцы Татарскай, зараз гэта сучасная вуліца Кірава. У часы набыцця незалежнасці Рэспублікі Беларусь паўстала пытанне аб набыцці новага храма для мусульман. У 1994 годзе ў былой мураванай гаспадарчай пабудове 19 стагоддзя была адчынена новая мячэць. У савецкія часы памяшканне гэта выкарыстоўвалася, як фізкультурна – аздараўленчы цэнтр. Мясцовы імам Сулейман Байрашэўскі звярнуўся да кіраўніцтва краіны і будынак быў перададзены пад мячэць.

Будынак з'яўляецца помнікам архітэктуры. Будынак мураваны аднапавярховы, накрыты трохсхільным дахам. Помнік узведзены з цэглы і бутавага камяня.

 Татары ў горадзе Слоніме з'явіліся яшчэ ў часы Вялікага Княства Літоўскага ў 16 стагоддзі. Па перапісу Расійскай імперыі ў 1897 годзе ў Слонімскім уездзе жыло 178 татараў. Драўляная мячэць у Слоніме была пабудавана ў 1804 годзе з адным купалам і мінарэтам. Храм быў знішчаны пажарам у 1881 годзе і праз год зноў адбудаваны. Грошы на рамонт мячэці даў граф Францішак Пуслоўскі, у якога рэзідэнцыя была каля Слоніма ў Альбярціне.