Рэпіхава. Парк сядзібы Патоцкіх.

Сядзіба Рэпіхава знаходзіцца каля мястэчка Крывошын Ляхавіцкага раёна. Рэпіхава ўпершыню ўпамінаецца ў 1481 годзе, як ўласнасць Івана Ільініча. Потым зямля перайшла да Радзівіла Сіроткі. Радзівілы перадалі ўласнасць каталіцкаму ордэну езуітаў. А ў 1772 годзе па загаду караля Станіслава Аўгуста Панятоўскага маёнтак перайшоў да Антонія Тызенгаўза.

Толькі напрыканцы 18 стагоддзя з'явіўся пастаянны гаспадар маёнтка – Пётр Патоцкі. У 1849 годзе гаспадаром становіцца Канстанцін Патоцкі. У пачатку 19 стагоддзя адбылося і заснаванне сядзібы з паркам. Парк складае 6 гектараў з цэнтральнай ліпавай алеей, якая шырынёй 10 метраў. Было ў парку створана 3 сажалкі, якія маюць розную форму, а на самай вялікай сажалке ёсць востраў. Да вострава раней быў перакідны мосцік. У сажалках вырошчвалі рыбу такую, напрыклад, як карп і карась з шчупаком.

У парку была вялікая паляна з кветнікамі. На ўскраіне паляны была стайня і панскі палац. Пра сядзібе акрамя палаца былі гаспадарчыя пабудовы: паграбня, звярынец, флігель для кучара і повара. Палац і іншыя будынкі не захаваліся да нашага часу, акрамя паграбні. Частка парка выкарыстоўвалася пад агарод. Тут была аранжарэя, парнікі, дом садоўніка і пітомнік раслін. На сённяшні дзень у парку налічваецца каля 50 відаў раслін.

 У парку ёсць памятны валун, які прысвечаны класіку беларускай літаратуры Яну Чачоту(1796 - 1847). Чачот правёў у Рэпіхава свае дзіцячыя гады, бо яго бацька тут працаваў эканомам.

Таксама на ўскрайку парка ёсць магіла нямецкіх салдат часоў Першай сусветнай вайны, бо побач праходзілі баі і вайна пакінула свой след у гісторыі сядзібы.

У перыяд Польскай дзяржавы 1921 – 1939 гады уласнікам сядзібы быў граф Баляслаў Патоцкі. Граф жыў у Рэпіхава да 1939 годзе і загінуў у час абароны Варшавы ад гітлераўскіх войск. А графіня Патоцкая была эвакуіравана на англійскам самалёце і ў далейшым жылаў ЗША. У сядзібе ў савецкія часы была арганізавана бальніца. Частка будынкаў было знішчана ў час апошняй вайны.