Мілавіды. Царква Сергія Раданежскага.

На ускраіне мястэчка Мілавіды Баранавіцкага раёна зназодзіцца мураваная праваслаўная царква, якую асвяцілі ў гонар Сергія Раданежскага.

Першая царква ў Мілавідах была пабудавана ў часы Вялікага Княства Літоўскага і называўся храм у гонар Барыса і Глеба. Апісанне гэтага храма знаходзіцца ў матэрыялах уніяцкіх цэркваў Мінскага і Навагрудскага сабораў, і захоўваюцца гэтыя дакументы ў Мінску ў Нацыянальным гістарычным архіве Рэспублікі Беларусь.

Барысаглебскі храм быў узведзены па фундацыі мсціслаўскага войскага Корсака і Баканоўскага. У прыходзе лічылася 112 чалавек, а святаром быў Раман Трахімовіч. Наступную драўляную царкву пабудавалі і асвяцілі ў гонар Прасвятой Багародзіцы.

Новы мураваны будынак царквы Сергія Раданежскага быў створаны ў часы Расійскай імперыі ў 1865 годзе ў рэтраспектыўна–рускім стылі. Будаўніцтва вялося за дзяржаўны кошт, і было выдаткавана з казны каля сямі тысяч рублёў. Асвяцілі царкву ў лістападзе 1888 года.

Пры святыне было створана праваслаўнае брацтва з 1891 года. Працавала царкоўна–прыхадская школа і народнае вучылішча. Будынак узведзены па кананічным праваслаўным традыцыям і складаецца з асноўных чатырох частак: прытвор, трапезная, малітоўная зала і апсіда