Грымяча. Сядзіба Пузынаў

Недалёка ад мястэчка Воўчын ёсць сядзіба Грымяча, якая раней належыла роду Пузынаў. Першымі гаспадарамі тут былі Ільінічы, Гасеўскія, Сапегі, Чартарыйскія і іншыя.

У пачатку 19 стагоддзя гаспадары тут Віслоцкія – калежскі рэгістратар Люцыян Віслоцкі. Паводле дакументаў у пачатку 19 стагоддзя маёнтку належыла 1568 дзесяцін зямлі і 553 сялян. У другой палове 19 стагоддзя каля мястэчка Грымяча быў пабудаваны сядзібна – паркавы ансамбль, які належыў роду Пузынаў. Першым уладальнікам з Пузынаў быў Юзаф Ігнат Пузына (1800 – 1874), а потым двое яго сыноў Аляксандр і Юзаф Адольф Марцін. Потым належыла сыну Адольфа Юзафу Эдварду. Пузына Юзаф (1878 – 1949) – пісьменнік, паэт і гісторык. Скончыў універсітэт у Швейцарыі. Працаваў у Польшчы ў міністэрстве замежных спраў, а пасля адстаўкі пераехаў жыць у Вялікую Бераставіцу пад Гродна, а сядзібу ў Грымяча перадаў пад школу.

Палац Пузынаў аднапавярховы прамавуголня будынак. Першапачаткова даследчыкі лічаць быў пабудаваны папярэднімі гаспадарамі Віслоцкімі. Будынак узведзены ў стылі класіцызму, накрыты вальмавым дахам. Галоўны ўваход аформлены чатырохкалонным порцікам дарычнага ордэра. Фасад упрыгожвае дэкор у выглядзе вісячых гірлянд і іншых дэкаратыўных элементаў. Фасад палаца, які выходзіць у парк таксама мае сіметрычную кампазіцыю. Палац пабудаваны на высокім цокальным падмурку. У інтэр'еры ёсць вялікі вестыбюль і зал з выхадам у парк. Да нашага часу захавалася вінтавая чыгуначная лесвіца, якая вядзе на мансарду. Побач з палацам знаходзіцца парк некалькі гектараў з гаспадарчымі будынкамі: сыраварня, свіран, ляднік, быў раней і бровар. У пасляваенны час у сядзібе была школа і дзіцячы лагер. А зараз будынкі і парк знаходзяцца ў занядбаным стане.

 У 1994 годзе на тэрыторыі сядзібы здымаўся мастацкі фільм «Лето любві» павдле расказа Івана Буніна. У фільме здымалася вядомая беларуская кінаактрыса Стэфанія Станюта.