Масаляны. Сядзіба Біспінгаў.

У мястэчку Масаляны захаваліся парэшткі шляхецкай сядзібы Біспінгаў.

Сядзіба была пабудавана ў 19 стагоддзі ў стылі класіцызму з элементамі псеўдаготыкі і ампіру. Будаўніцтва вялося па праекту італьянскага архітэктара Міхаіла Эльвіра Адрыолі.  У 1880 годзе гаспадароў наведаў вядомы мастак і кампазітар Напалеон Орда, які пакінуў малюнак краявідаў.

Палац уяўляў з сябе мураваны аднапавярховы будынак складанай канфігурацыі, які быў усталяваны на высокі цокаль. Цэнтральная частка аздоблена паўратондай з 4 калонамі. Палац меў бакавыя крылы, якія аформлены слупавымі галерэямі. Перад уваходам у будынак былі ўсталяваныя вазы з кветкамі і вялікія каменныя львы. Палац з возерам злучала каменная лесвіца. У парку і каля палацу было шмат кветак і клумб. Была абсталявана каменная аранжарэя з празрыстым дахам. У парку каля возера было некалькі скульптур.

 Прыхожая ў палацы выконвала ролю дамашняй капліцы - на супраць уваходнай дзверы быў шкаф, унутры якога ўсталяваны алтар. У сталовай з 3 вялікімі вокнамі стаяў вялікі раздвіжны стол вакол якога былі растаўлены дубовыя стулы з выявай сямейнага герба. Пакоі палаца былі ўпрыгожаны фамільнымі партрэтамі. У гасцях у гаспадароў быў вядомы польскі пісьменнік Адольф Дыгасінскі, які ў сваім апавяданні «Заяц» апісаў сядзібу ў Масалянах. У 1992 годзе ў Польшчы выйшлі мемуары сына апошняга ўладальніка палаца Яна Біспінга, якія называюцца «Нашы Масаляны».

У 1939 годзе сядзібу канфіскавалі і перадалі пад бальніцу. Пасля вайны частка будынка была прыстасавана пад клуб, а ў іншай жылі людзі. У пасляваенны час палац быў значна перабудаваны і згубіў свае асноўныя рысы.