Масаляны. Царква Раства Прасвятой Багародзіцы

У мястэчку Масаляны акрамя шляхецкай сядзібы ёсць дарэвалюцыйная праваслаўная царква 18 стагоддзя. Храм быў пабудаваны за сродкі Марыяны Біспінг у 1796 годзе, як каталіцкі касцёл, або, як уніяцкая царква. Будынак мураваны ўзведзены з цэглы і камення. У 19 стагоддзя храм перададзены праваслаўным вернікам.

Царква пабудавана ў стылі позняга барока з элементамі класіцызму. Храм аднанефны. У плане прамавугольны, які накрытыдвухсхільным дахам. Галоўны фасад царквы падзелены развітым антаблементам на 2 ярусы. Ніжні ярус упрыгожаны пілястрамі. Сярэдняя частка аформлена ў выглядзе трохвугольнага франтона. Верхні ярус – вежа квадратная ў плане. У інтэр'еры над уваходам ёсць хоры. Сцены ўпрыгожаны пілястрамі з капітэлямі. Апсіда паўкруглая, у якой за перагародкай створана рызніца. Маецца трохярусны пазалочаны  іканастас, які быў створаны напрыканцы 19 стагоддзя. Некаторыя элементы іканастаса ўпрыгожаны разным арнаментам. Ёсць абраз 1882 года мастака М. Пліса «Іаан Багаслоў».

У 19 стагоддзі пры царкве было адчынена царконае вучылішча, а законавучыцелем быў прызначаны мясцовы святар. У 1880 годзе ў навучальнай установе было 60 хлопчыкаў. У 1888 годзе царкву капітальна рамантавалі на сродкі прыхода. Рамонт абыйшоўся ў 350 рублёў.

Царква таксама была адрамантавана ў апошнія гады.