Малая Бераставіца. Царква Святога Дзмітрыя Салунскага

У цэнтры мястэчка Малая Бераставіца на галоўнай вуліцы ёсць два старых культавых будынка - царква і касцёл. Праваслаўная царква у гонар Святога Дзмітрыя Салунскага была пабудавана ў 1866 годзе па праекту Восіпа Міхаэліса, які з'яўляўся губернскім архітэктарам.

Першапачаткова на гэтым месцы была ўніяцкая царква, якая была пабудавана ў 18 стагоддзі. У гэтай царкве служыў святаром Сімон Анацэвіч, бацька вядомага гісторыка Ігнація Анацэвіча (1780 – 1845). Царква была пабудавана адразу пасля падаўлення анцірасійскага паўстання пад кіраўніцтвам К. Каліноўскага і той варыянт, па якому яна была ўзведзена пазней назвалі «мураў'ёўкай» - у гонар графа М. Мураў'ёва, які падаўляў паўстанне і садзейнічаў будаўніцтву праваслаўных храмаў. Храм мураваны з цэглы і бутавага камення, пабудаваны за дзяржаўныя грошы.  Царква пабудавана па тыпавому праекту ў псеўда – рускім стылі. Складаеца з 4 асноўных частак: прытвор, трапезная, малітоўная зала і апсіда. Над прытворам надбудавана шматярусная вежа – званіца.

Праз тэрыторыю мястэчка прайшло 2 сусветныя вайны і царква была моцна пашкоджана, але адноўлена дзякуючы намаганням прыхаджан.

Да рэвалюцыі ў царкве быў крыж, які ахвяраваў князь Масальскі. Прыхаджан было 1390 чалавек мужскога пола і 1415 – жаночага з 13 вёсак і мястэчак. Пры царкве было прыпісана 5 цяркоўных школ і народнае вучылішча. Служыла пры царкве 2 чалавека: святар і псаломшчык.