Завушша. Сядзіба Мараўскіх.

        У Нясвіжскім раёне ў мястэчку Завушша была шляхецкая сядзіба мараўскіх. Ад сядзібы захавалася некалькі каменных і драўляных гаспадарчых будынкаў з паркам і каменная капліца-пахавальня.

       У 18 стагоддзі ў часы Вялікага Княства Літоўскага сядзіба належала магнатам Радзівілам. Цэафілія Радзівіл выйшла замуж за Ігната Мараўскага, які потым стаў генералам. Яны атрымалі ў спадчыну сядзібу Завушша. Ігнат быў у складзе арміі Караля Радзівіла ў 1764 годзе, і прымаў удзел у бітве пад Слонімам супраць расійскай арміі. Разам у бітве прымала ўдзел і Цеофилия.

            Затым сядзіба перайшла да Стэфаніі Радзівіл, а потым да яе сына Пятра Вітгенштэйна. Потым сядзібай валодалі Гартынгі. У той час у сядзібе былі гаспадарчыя будынкі і карчма з пакоямі для гасцей: бровар, кухонны флігель, халадзільнік, сад і агарод з шклярніцамі. Была аранжарэя, дзе вырошчваліся экзатычныя расліны: апельсін, лаўр, размарын, дулі, язмін жоўты і іншыя расліны.

        Была пабудавана вяндлярня, драўляны будынак, пакрыты гонтавым дахам. Драўляны палац у сядзібе быў пабудаваны Ігнатам Мараўскім у 1770 годзе. Палац у 1778 годзе наведаў апошні кароль Рэчы Паспалітай Станіслаў Аўгуст Панятоўскі. Будынак аднапавярховы з чатырохкалонным порцікам.

       Побач пасаджаны рэгулярны парк. Пабудавана Мараўская мураваная капліца ў стылі класіцызму.