Гарадзея. Касцёл Святога Юзафа Рамесніка.

    У Нясвіжскім раёне паміж Нясвіжам і Мірскім замкам знаходзіцца мястэчка Гарадзея, у якім захавалася да нашага часу некалькі помнікаў архітэктуры. Тут ёсць каменная праваслаўная Свята-Праабражэнская царква 19-га стагоддзя, праваслаўная капліца 19-га стагоддзя, будынак чыгуначнага вакзала пачатку 20-га стагоддзя, помнік удзельнікам Грунвальдскай бітвы і яшчэ некалькі цікавых аб'ектаў.

        Гарадзея ў 16 стагоддзі ў часы Вялікага Княства Літоўскага належала магнатам Радзівілам. У 19 стагоддзі мястэчка пісалася ў дакументах, як Горная Гарадзея. У часы Расійскай імперыі ўваходзіла ў склад Мінскай губерні Навагрудскага павета. З 1969 года працавала народнае вучылішча. У 1871 годзе праз Гарадзею прайшла чыгуначная дарога Масква-Варшава і была пабудавана чыгуначная станцыя.

        У часы Першай сусветнай вайны мястэчка апынулася ў прыфрантавой паласе. З 1920 года Гарадзея ў складзе Польскай дзяржавы. Была цэнтрам гміны Нясвіжскага павета. У 1939 годзе пасля прыходу савецкіх войскаў у складзе савецкай Беларусі. Пасля вайны пабудаваны вялікі цукровы завод.

      У цэнтры Гарадзеі каля чыгункі пабудаваны Каталіцкі Касцёл Святога Язэпа. Храм перабудавалі з гаспадарчага будынка-стайні, якая была ўзведзена ў пачатку 20-га стагоддзя. Парафіяне лічылі, што ў стайні Касцёл будзе часова. Хацелі ў 1930-я гады пабудаваць новы каталіцкі храм. Пачалі набываць будаўнічы матэрыял і цэглу. Але з пачаткам Другой сусветнай вайны планы змяніліся.

       У савецкі перыяд 1939-1941 гадах будаўнічыя матэрыялы расцягнулі на іншыя аб'екты, але касцёл працаваў. У часы гітлераўскай акупацыі мясцовага ксяндза арыштавалі і забілі ў канцлагеры. Падчас вайны касцёл згарэў.

        Пасля вайны будынак перабудавалі пад кафэ пры чыгуначнай станцыі.

        У 1990-я гады каталіцкім вернікам вярнулі будынак і быў праведзены рамонт. Была прыбудавана чацверыковая вежа.