Задваране. Царква Святой Ганны

Праваслаўная царква Святой Ганны знаходзіццца на самай паўднёвай ускраіне вёскі Задваране. Храм быў узведзены напрыканцы 18 стагоддзя ў 1790 годзе. Царква мураваная. Па іншым гістарычным крыніцам ёсць звесткі, што царкву пабудавалі ў 1770 – х гадах на сродкі пана Якіма Булгарына. Гісторык архітэктуры А. Кулагін дае дадзеныя, што будынак узведзены ў пачатку 19 стагоддзя. Інжынер і архітэктар Леанард Крыжаноўскі ў 1877 годзе зрабіў абмерныя чарцяжы царквы. У 1880 годзе інжынер і архітэктар Пётр Залатароў выканаў праект перабудовы царквы і таксама распрацаваў іканастас. Царква была зачынена ў гады Савецкага Саюза. У 1972 годзе адбыўся ў будынку моцны пажар. У пачатку 1990 – х гадоў пачаўся збор сродкаў на аднаўленне праваслаўнага храма.  У 1994 годзе царква адчыніла свае дзверы. Першым святаром у адноўленай святыні быў Уладзімір Сцяцко.

Царква помнік архітэктуры ў стылі класіцызму з элементамі барока. Мае ў плане прамавугольны аб'ём, які завершаны паўкруглай апсідай з бакавой рызніцай. Да галоўнага фасада прыбудавана трохярусная чатырохгранная вежа – званіца. Званіца накрыта чатырохгранным дахам з васьмігранным барабанам і цыбулінай. Другі ярус вежы – званіцы створаны з 4 – калонным порцікам і завершана трохвугольным франтонам.

Тэрыторыя царквы акружана мураванай агароджай з брамай.