Реклама. ООО «Бронирование гостиниц». ИНН 7703389880
Лыскава. Замак.
Помнік археалогіі
Беларусь, Брэсцкая вобл., Пружанскі район, Лыскава.
Апісанне
У Пружанскім раёне ёсць мястэчка Лыскава з некалькімі старажытнымі помнікамі гісторыі і архітэктуры. Побач з мястэчкам знаходзяцца абарончыя ўмацаванні сярэднявечнага замка. У 16 стагоддзі замак належыў каралеве Боне Сфорцы. Быў зруйнаваны ў час Паўночнай вайны. Этнограф М. Федароўскі ў 19 стагоддзі запісаў паданне пра замак. У 1970 – я гады тут праводзіў раскопкі археолаг М. Ткачоў. Засталіся земляныя валы і абарончы роў. Мае статус помніка археалогіі.
Катэгорыі
Крушня
Гістарычнае
Застаняцеся на ноч?
Гатэлі, кватэры і дамы для паездкі па Беларусі. Выберыце сэрвіс і паглядзіце даступныя варыянты.

Реклама. АО "СУТОЧНО". ИНН 7300037501
Реклама. ООО «Яндекс Вертикали». ИНН 7736207543
Браніраванне на сайце сэрвісу. Мы можам атрымаць камісію.
Пра сэрвісыКаментары
Нататкі да месца
1Алег Дзьячкоу
28.01.2025
Лыскава. Замак.
У мястэчку Лыскава Пружанскага раёна знаходзіцца замкавая гара, якая мае статус помніка археалогіі. Замчышча размяшчаецца за 500 метраў ад мястэчка каля дарогі, дзе ўсталяваны памятны знак.
У часы Вялікага Княства Літоўскага ў Лыскаве быў пабудаваны замак. У 16 стагоддзі Лыскава з'яўлялася маёмасцю вялікага князя і ўваходзіла ў склад Навагрудскага ваяводства Ваўкавыскага павета. Некаторыя даследчыкі мяркуюць, што замак нейкі час належыў каралеве Боне Сфорцы. Таксама ёсць гіпотэза, што летапіс «Хроніка Быхаўца» быў створаны ў гэтым замку. У Паўночную вайну замак быў вельмі моцна пашкоджаны. У 19 стагоддзі вядомы беларускі фалькларыст Міхал Федароўскі запісаў мясцовую легенду аб замку і пані Боне.
У савецкі час у 1970 – я гады замак даследваў вядомы беларускі археолаг Міхась Ткачоў. У час раскопак была знойдзена кераміка і кафля 15 – 17 стагоддзяў.
Замкавая гара ў плане мае памеры 68 на 68 метраў, а па перыметры насыпаны абарончы роў. Заходні вал, які добра захаваўся да нашага часу мае шырыню 10 метраў. Па сярэдзіне вала знаходзіўся ўезд у замак. Па кутам замка былі абарончыя вежы «круглікі», якія ў дыяметры былі па 8 метраў.
