Падароск. Царква святой Троіцы
Храм
Беларусь, Гродзенская вобл., Ваўкавыскі р., Падароск.
0
230
27.11.2024
Апісанне
Першая праваслаўная царква ў Падароску пабудавана ў 17 стагоддзі. Храм быў драўляны. Мураваны ўзведзены ў 18 стагоддзі Грабоўскімі і асвячоны ў гонар Святой Елізаветы. У часы польскай улады перададзена каталікам. У савецкія часы зачынены і прыстасаваны пад склад. З развалам СССР вернута праваслаўным вернікам. Праведзены рамонт і асвячоная царква была ў гонар Святой Троіцы. Царква дзейнічае.
Катэгорыі
Гістарычнае
Помнік архітэктуры
Месцазнаходжанне
Шырата: 52.98123238
Даўгата: 24.61724102
Каментары
Усяго каментароў: 0
Нататкі да месца
1Алег Дзьячкоу
27.11.2024
Падароск. Царква святой Тройцы
У мястэчку Падароск да нашага часу захавалася царква 18 стагоддзя і шляхецкая сядзіба Чачотаў 19 стагоддзя.
Першая згадка пра царкву ў пісьмовых крыніцах адносіцца да 1634 года, калі княгіня Пракопава Дольская дае фундуш (ахвяраванне) на царкву. Першы будынак царквы быў драўляным.
У 18 стагоддзі мястэчкам Падароск валодаюць Грабоўскія, якія ў 1780 годзе будуюць новы каменны храм, які асвяцілі ў гонар Святой Лізаветы. У дакументах за 1808 год згадваецца Царква ў Падароску, пры якой прыхаджан мужчын 300 чалавек і жанчын 294.
У 19 стагоддзі пры царкве працуе царкоўна–прыходская школа, якая з часам стала народным вучылішчам. У 1897 годзе ў вучылішчы навучалася 66 дзяцей.
Праваслаўны храм працаваў толькі да 1925 года, а затым быў перададзены каталікам. У савецкія часы касцёл зачынілі і выкарыстоўваўся пад склад збожжасховішчы. З распадам Савецкага Саюза храм быў вернуты праваслаўным вернікам. Быў праведзены рамонт, і восенню 1991 года царкву асвяцілі ў гонар Святой Тройцы.
Царква пабудавана ў стылі барока. Мае прамавугольны ў плане аб'ём, які накрыты двухсхільным дахам. Над бабінцам двух'ярусная вежа-званіца. Да малітоўнай залы з тыльнага боку прыбудавана паўкруглая апсіда з бакавымі рызніцамі.
Каментары
Усяго каментароў: 0