Задзвея. Сядзiба Межаеўскіх – Чачотаў.

У Баранавіцкім раёне каля вялікіх мястэчак Вольна і Паланэчка ёсць зусім побач невялікае мястэчка Задзвея. У мястэчку была панская сядзіба і засталося некалькі цікавых гаспадарчых пабудоў.

Задзвея ўпершыню ўпамінаецца ў гістарычных крыніцах у 15 стагоддзі ў часы Вялікага Княства Літоўскага. Уваходзіла ў склад Навагрудскага павета і належыла спачатку Чамровічам, а потым магнатам Гаштольдам. У 17 – 19 стагоддзях гаспадары ў мястэчку Макушынскія, Межаеўскія і Чачоты. Пры Чачотах быў пабудаваны палац і касцёл, якія не захаваліся да нашага часу. Палацава–паркавы ансамбль пабудаваны ў 18 стагоддзі, а па некаторых крыніцах - значна раней.

З роду Межаеўскіх паходзіць удзельнік напалеонаўскіх войн Мацей Межаеўскі, які за храбрасць атрымаў асабістую павагу Напалеона. А ўжо яго ўнучка ў 1891 годзе выйшла замуж за Ігната Чачота, і да 1939 года сядзіба ў Задзвеі належыла роду Чачотаў.

Пасля падзелаў Рэчы Паспалітай у складзе Расійскай імперыі.

З 1921 па 1939 года ўваходзіла ў Польскую дзяржаву.

Да нашых дзён ад сядзібы захавалася некалькі мураваных пабудоў.

Асаблівую ўвагу прыцягвае будынак лядоўні, які худчэй нагавадвае нам нейкую капліцу, ці храм. Лядоўня ўзведзена ў першай палове 19 стагоддзя пры Межаеўскіх. У плане будынак мае форму квадрата, круглыя вокны і двухскатны дах. Будынак узведзены ў стылі неаготыкі. Акрамя лядоўні засталося яшчэ некалькі мураваных гаспадарчых пабудоў.