Вольна. Траецкая царква.

У старажытным мястэчку Вольна Баранавіцкага раёна ёсць мураваны праваслаўны храм у стылі барока і парэшткі сядзібы роду Слізняў: парк з сажалкай і бровар з гаспадачымі пабудовамі.

У цэнтры мястэчка на пагорку знаходзіцца парк і царква. Яны зусім побач, і храм уваходзіў у склад палаца–паркавага ансамбля.

Мураваны двухпавярховы палац у стылі неаготыкі не дайшоў да нашага часую. А калі вы будзеце гуляць па парку, які складае некалькі гектараў, то выйдзеце да Траецкай царквы. Гэты храм адзін з самых прыгожых храмаў на Беларусі ў стылі позняга барока, або, некаторыя даследчыкі адзначаюць стыль, як ракако.

У часы Вялікага Княства Літоўскага гаспадары мястэчка Крыштаф Каменскі і яго жонка Алена Друцкая–Горская пабудавалі ўніяцкую царкву пры якой адчынілі базыльянскі манастыр са школай. 

У 1768 годзе ўніяты пабудавалі царкву Святой Троіцы мураваную. У школе пры манастыры вучыўся вядомы мастак, скульптар і архітэктар Рафал Слізень.

У 19 стагоддзі ў часы Расійскай імперыі манастыр базыльянаў зачынілі і перадалі будынкі праваслаўнаму манастыру.

Помнік мураваная двухвежавая базіліка з трыма нефамі. Галоўны фасад аздоблены ляпным дэкорам. Вежы шматярусныя паміж якімі знаходзіцца фігурны баракальны франтон. Галоўны фасад умацаваны контрфорсамі.