Паланэчка. Юр'еўскі касцёл.

Упершыню Паланэчка ўзгадваецца ў 16 стагоддзі. Росквіт Паланэчкі быў у часы Радзівілаў у 18 – 19 стагоддзях, калі быў пабудаваны палацава – паркавы ансамбль. Недалёка ад палацу на пагорку быў узведзены драўляны касцёл. Першы каталіцкі храм будуецца ў 1751 годзе і перабудоўваўся двойчы ў 19 стагоддзі. У плане будынак прамавугольны з пяціграннай апсідай. На галоўным фасадзе 2 чатырохгранныя шматярусныя вежа. Бакавыя фасады ўпрыгожаны высокімі стрэльчатымі вокнамі. У прасценках зроблены контрфорсы. У інтэр'еры маюцца хоры на якіх размяшчаецца арган 19 стагоддзя. Галоўны алтар двухярусны з разьбой і пазалотай. У інтэр'еры размешчана 2 мемарыяльныя дошкі, прысвечаныя князям Радзівілам. Лічыцца, што менавіта ў гэтым касцёле хрысцілі навукоўца і грамадскага дзеяча, нацыянальнага героя Беларусі і Чылі Ігната Дамейку (1802 - 1889). Каля храма засталіся старыя пахаванні. Ад касцёла ідзе дарога на Ішкалдзь, дзе з левага боку захаваліся парэшткі вадзянога млына.