Паланэчка. Парэшткi вадзянога млына.

У Баранавіцкім раёне ёсць мястэчка Паланэчка, дзе захаваўся палацава – паркавы ансамбль, які належыў магнатам Радзівілам. У мястэчку захаваўся мураваны палац, драўляны касцёл з плябанью і мураваны млын 19 стагоддзя.

Упершыню ў гістарычных крыніцах Паланэчка ўпамінаецца ў часы Вялікага Княства Літоўскага ў 16 стагоддзі. Уваходзіла ў склад Навагрудскага павета і належыла Рудамінам – Дусяцкім. 

Наступнымі гаспадарамі сталі магнаты Радзівілы, якія ў 17 – 19 стагоддзях пабудавалі мураваны палац з гаспадарчымі пабудовамі. У палацы захоўвалася вялікая калекцыя мастацкіх твораў, нумізматычная калекцыя, бібліятэка і архіў. Гаспадаром сядзібы ў 18 стагоддзі быў кампазітар і драматург, дзяржаўны дзеяч Мацей Радзівіл (1749 – 1800). Да Радзівіла ў госці ў 1777 годзе завітаў расійскі пісьменнік Дзяніс Фанвізін, які пакінуў запісы аб мястэчку.

У 1751 годзе ў Паланэчке пабудавалі драўляны касцёл Святога Юрыя.

Пасля трэцяга падзелу Рэчы Паспалітай Паланэчка апынулася ў складзе Расійскай імперыі.

У 1819 годзе на ўскрайку мястэчка быў пабудаваны мураваны двухпавярховы млын, які быў пабудаваны з бутавага камяня і цэглы. Да нашага часу захаваліся руіны будынка. У сцяне млына ўмараваны камень з датай пабудовы будынка.

Млын знаходзіца прама па шляху на выяздзе з Паланэчкі на Ішкалдзь на маленькай рачулке Змейка.