Вольна. Сядзіба рода Слізняў.

У мястэчку Вольна Баранавіцкага раёна захавалася ўнікальная Траецкая царква ў стылі барока і парэшткі сядзібы роду Слізняў: парк з сажалкай і бровар з гаспадарчымі пабудовамі.

Калі праедзеце на пагорку царкву, то далей адразу за агароджай храма пачынаецца векавы парк, дзе калісці быў мураваны палац. А з правага боку будзе сажалка каля парка. У сажалке ёсць востраў, на які можна патрапіць праз пешаходны мост.

 Парк мае статус помніка прыроды. Сядзіба ў Вольна ўпершыню сустракаецца ў крыніцах у 16 стагоддзі. Было ў той час 4 жылыя дамы і гаспадарчыя пабудовы: бровар, пякарня, лазня і іншыя пабудовы. У 17 стагоддзі пабудаваны палац. У тыя часы тут гаспадарамі быў род Каменскіх. У гэты час Каменскія фундавалі мураваную ўніяцкую царкву ў Вольна і пры храме была адчынена школа базыльянаў.

 Затым сядзібай валодалі Чацвярцінскія, а затым набыў маёнтак Ян Слізень. Яго сын Рафал Слізень быў вядомым мастаком, архітэктарам і скульптарам. У 19 стагоддзі каля сажалкі быў пабудаваны бровар. Род Слізняў валодаў мястэчкам да прыхода савецкай улады ў 1939 годзе і апошняй тут гаспадыняй была Іза Слізень.

Пасля Вялікай Айчыннай вайны палац быў разабраны і на яго месцы ўзведзены мясцовы Дом культуры.

У пачатку 19 стагоддзя палац быў перабудаваны ў стылі неаготыкі. У палацы была вялікая бібліятэка, якую Генрых Слізень вывез у Варшаву перад вайной. Да нашага часу захаваўся пейзажны парк плошчай каля сямі гектараў.