Ялава. Царква Святой Ганны

У Пружанскім раёне ў мястэчку Ялава ёсць на мясцовых могілках невялікая драўляная праваслаўная царква. Каб патрапіць у гэтае мястэчка трэба паехаць з Пружанаў на Шарашова і паварот будзе на права з трасы на Ялава.

Храм пабудаваны ў 18 стагоддзі ў эпоху Вялікага Княства Літоўскага, а па некаторым гістарычным крыніцам у 19 – м у часы Расійскай імперыі.  Царква помнік архітэктуры, які ўзведзены ў традыцыях беларускага драўлянага народнага дойлідства. Зараз храм ппрыпісаны да царквы Святога Мікалая ў Шарашова.

Царква пабудавана з сасновага бруса.  Царква складаецца з двух асноўных частак: малітоўнай залы і апсіды. Асноўны аб'ём накрыты двухскатным дахам. Раней дах быў пакрыты гонтам. Галоўны фасад завершаны трохкутным франтонам. Над фасадам узвышаецца невялікая вежачка двухярусная чатырохгранная. Царква ў апошнія гады адрамантавана.

Адчынены храм звычайна па святам. Каб наведаць святыню неабходна спачатку пазваніць святару ў царкве ў Шарашове.