Стараволя. Радзіма мастака Станіслава Жукоўскага

Мястэчка Старая Воля ўпершыню ўпамінаецца ў 16 стагоддзі ў часы Вялікага Княства Літоўскага, калі каралева Бона Сфорца падаравала гэта мястэчка касцёлу ў Шарашова. У перыяд Расійскай імперыі ўваходзіла ў склад Пружанскага ўезда Гродзенскай вобласці. Напрыканцы 19 стагоддзя тут было 646 жыхароў і 64 двары. Працавала праваслаўная царква і млын.

Менавіта ў гэтым мястэчку прайшло дзяцінства і юнацтва вядомага беларускага, польскага і расійскага мастака Станіслава Юльянавіча Жукоўскага (1875 – 1944). Нарадзіўся мастак у Гродзенскй вобласці каля мястэчка Рось. Бацькамі яго былі Юльян Жукоўскі і маці Марыя з роду Вяржбіцкіх, у якіх была свая сядзіба ў Старой Волі на пружаншчыне. Пасля нараджэння Станіслава сям'я вярнулася жыць у свой радавую сядзібу Старая Воля, якую зараз называюць Стараволя.

У гэтых мясцінах і прайшлі дзіцячыя і юнацкія гады будучага мастака. С. Жукоўскі пакінуў малюнак сваёй сядзібы – гэта невялікі дрўляны дом накрыты чатырохскатным дахам. Галоўны ўваход аформлены чатырма калонамі. Вакол дома былі зараслі дэкаратыўных кустарнікаў. Перад домам клумба з кветкамі. Мастак неаднойчы ў сваёй творчасці вяртаўся до родных мясцінаў.

Да нашага часу радавая сядзіба не дайшла і зараз на тым месцы знаходзіцца звычайная драўляная хата.

Станіслаў вучыўся ў Варшаве і Беластоку. Менавіта ў Беластоку С. Жукоўскі і захапіўся мастацтвам, дзе ў яго выкладаў вядомы расійскі мастак Сяргей Южанін.

Затым Жукоўскі вучыцца ў Маскве ў вядомых мастакоў. Прымае ўдзел у выставах мастакоў перасоўнікаў. У 1897 годзе Станіслаў выдатна здае іспыты і атрымаў два сярэбраныя медалі. Пасля рэвалюцыі пераехаў жыць у Польшчу.

У час Другой сусветнай вайны прымаў удзел у варшаўскім падполлі. Быў арыштаваны нацыстамі і сасланы ў канцлагер, дзе і загінуў. У мястэчку Стараволя плануецца ўсталяваць памятны камень у гонар выбітнага мастака.