Сухаполь. Царква Узвышэння Святога Крыжа

У мястэчку Сухаполь Пружанскага раёна знаходзіцца мураваная праваслаўная царква, якую асвяцілі ў гонар Узвышэння Святога Крыжа. Мястэчка вядома з часоў Вялікага Княства Літоўскага з 17 стагоддзя. Недзе ў гэты час і была заснавана першая драўляная царква ў гэтым мястэчку. Магчыма, што першая царква спачатку належыла ўніятам. А ў часы Расійскай імперыі была перададзена праваслаўным вернікам.

У храме знаходзіўся цудадзейны абраз Прасвятой Багародзіцы з сарэбранай шатай, які вельмі шанаваўся ў наваколлі. Царква аднойчы была знішчана пажарам і загінуў і абраз. І мясцоваму пастуху прысніўся сон, што абраз не загінуў, а знаходзіцца ў зямлі. Пастух пайшоў на месца згарэўшай царквы і адкапаў абгарэўшы абраз Багародзіцы.

У 1878 годзе здарыўся яшчэ адзін пажар, калі моцна пацярпела царква і загінуў царкоўны архіў.

Новы мураваны храм пабудаваны ў 1903 годзе ў псеўдарускім стылі. Будавалася святыня пры святары Міхаіле Вінаградаве.

За ўвесь час свайго існавання царква заўсёды працавала і ніколі не зачынялася.

Царква ўзведзена па тыпавому праекту і складаецца з чатырох асноўных частак: прытвор, трапезная, малітоўная зала і апсіда. У інтэр'еры ёсць драўляны іканастас. Маецца абраз 19 стагоддзя «Спас Пантакратар». Храм у апошнія гады адрамантаваны і прыведзена да ладу прылеглая тэрыторыя.