Воўчын. Касцёл Святой Тройцы.

У гэтым касцёле быў ахрышчаны будучы кароль польскі і вялікі князь літоўскі Станіслаў Аўгуст Панятоўскі. Таксама тут па рашэнні ўлад з 1938 па 1988 год былі пахаваныя яго астанкі, затым былі перавезены ў варшаўскі катэдральны касцёл.

З 1866 года касцёл быў пераўтвораны ў праваслаўную царкву, у 1918 годзе ён быў вернуты католікам.

У сярэдзіне 1950-х гадоў Траецкі касцёл закрылі і сталі выкарыстоўваць яго як склад. Пасля Другой сусветнай вайны касцёл доўгі час знаходзіўся ў запусценні і разбураўся, у ім абваліўся дах.

У 2009 годзе пачаліся работы па аднаўленні яго першапачатковага аблічча, якія працягваліся аж да 2020 года. Сярод абломкаў удалося знайсці фрагмент цыферблата з захаванай стрэлкай, што дало магчымасць рэстаўратарам узнавіць арыгінальны вежавы гадзіннік 18 стагоддзя. Таксама захавалася адна з чатырох скульптур (скульптура Іаана), якая ўпрыгожвае касцёл з аднаго з бакоў. Па суседстве з касцёлам знаходзіцца старадаўні аднапавярховы дом ксяндза.

Чароўны касцёл з шыкоўнай архітэктурай, які, падарожнічаючы па Брэстчыне, абавязкова трэба дадаць у свой краязнаўчы маршрут, каб пазнаёміцца з яго гісторыяй і ўбачыць на свае вочы.