Вензавец. Царква Пятра і Паўла

Мураваную праваслаўную царкву пабудавалі ў мястэчку Вензавец у 1872 годзе. Дагэтуль тут была старая драўляная ўніяцкая царква 18 стагоддзя, якую разабралі ў 1871 годзе. Уніяцкая царква была пабудавана ў 1755 годзе ў стылі барока ў традыцыях беларускага народнага драўлянага дойлідства. К 1840 – му году царква прыйшла ў заняпад і будынак патрабаваў рамонту. З 1860 года царкву зачынілі для набажэнстваў і святар храма звярнуўся да Гродзенскага губернатара з просьбай аб будаўніцтве новай царквы.

Новы будынак царквы ўзведзены па тыпавому праекту ў псеўда – рускім стылі.

Храм пабудаваны паводле падоўжана – восевай кампазіцыі і складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана трохярусная вежа – званіца: васмярык на чацвярыку. Малітоўная зала мае кубападобны асноўны аб'ём і паўкруглую апсіду. Малітоўная зала пакрыта чатырохсхільным дахам з пяццю купаламі – цыбулінамі. Фасады царквы аздоблены дэкорам і пластыкай, якая характэрна для дойлідства перыяду Маскоўскоўскага царства. Парталы з кілепадобным абрамленні і какошнікамі. У царкве ў апошнія гады праведзены рамонт. Па перыметру царкоўны двор агароджаны мураваным заборам.