Раготна. Касцёл Святых Анёлаў Ахоўнікаў

У мястэчку Раготна першы драўляны касцёл быў пабудаваны ў 15 стагоддзі. Касцёл назвалі ў гонар Святога Варфаламея. У 17 стагоддзі храм перайшоў да кальвіністаў. Будынак быў знішчаны ў час вайны 17 стагоддзя, і адноўлены дзякуючы намаганням дзяржаўнага дзеяча Вялікага княства Літоўскага магната Андрэя Завішы. У час Паўночнай вайны ў 18 стагоддзі храм зноў быў знішчаны.

У пачатку 19 стагоддзя Раготна належала Шукевічам, а потым перайшло да Валовічаў.

Новы мураваны касцёл быў пабудаваны ў 1840 годзе ў стылі класіцызму. Пасля анцірасійскага паўстання 1863 – 1864 гадоў касцёл перадалі пад праваслаўную царкву, якую асвяцілі ў гонар Раства Багародзіцы.

Пасля Рыжскай дамовы ў 1921 годзе Раготна перайшло да Польскай дзяржавы і будынак вярнулі каталікам. Пасля вайны ў савецкія часы касцёл зачынілі і тут зрабілі склад для зернесховішча. У 1989 годзе, напрыканцы існавання Савецкага Саюза, храм быў вернуты вернікам. Была праведзена рэстаўрацыя, і касцёл адчыніў свае дзверы для прыхаджан.

Будынак прамавугольны ў плане. Накрыты двухскатным дахам. Галоўны фасад двухвежавы. Вежы – званіцы квадраты ў плане. Фасад упрыгожаны шасцю калонамі дарычнага ордэра. Паміж вежамі трохкутны франтон. Перад касцёлам мураваная брама – званіца. Тэрыторыя касцёла па перыметру акружана мураваным заборам з бутавага камяня.