Касцёл святога Юзафа ў Рубяжэвічах.

Храм, цалкам абліцаваны натуральным каменем, вышынёй 45 метраў выглядае вельмі манументальна. Узведзены ў 1906-1910 гадах мясцовымі майстрамі на ахвяраванні, якія збіралі з усёй акругі. На будоўлі штодня працавала каля 100 працоўных.

На фасадзе касцёла ўсталявана памятная дошка з надпісам на польскай, на якой ушанавана цікавая гісторыя яго стварэння. Даслоўны пераклад: "гэты камень паклаў Антоній Тур у 1866 годзе з надпісам аб тым, што на гэтым месцы будзе пабудаваны касцёл Каталіцкай веры. Тры разы пешшу хадзіў у Пецярбург да цара з просьбай аб дазволе на будаўніцтва храма. За збор па суседніх вёсках подпісаў з людзей пад просьбай быў сасланы ў Сібір разам з сям'ёй.

І сапраўды за 3 гады ён быў пабудаваны! Вось так стараннямі і настойлівасцю аднаго чалавека, натуральна з падтрымкай мясцовых жыхароў, наша Радзіма здабыла такі цудоўны храм.

Дарэчы, побач з ім знаходзіцца той самы камень з надпісам.

А ўжо ў нашы дні ў 2006 годзе ў гонар стагоддзя пачатку будаўніцтва перад касцёлам з'явілася скульптурная кампазіцыя "Памяць у камені", якая складаецца з 46 вялізных валуноў, на кожным з іх высечана назва вёсак, якія ўдзельнічалі ў будаўніцтве касцёла. Камяні выкладзены вакол крыжа, які сімвалізуе сам касцёл, прычым іх размяшчэнне адлюстроўвае рэальнае размяшчэнне адпаведных вёсак. Уваход у гэты "Сад камянёў" сімвалізуюць каменныя вароты (брама).

Рэкамендую ўсім неабыякавым вандроўцам наведаць гэтае месца і прачуць яго атмасфернасць.