Субаты. Царква Нараджэння Божай Маці

Недалёка ад раёнага цэнтра Драгічын ёсць старажытнае мястэчка Суботы, якое раней мела назву Малыя Таракані. У мястэчку знаходзіцца мураваная праваслаўная царква. Храм быў пабудаваны ў 1797 годзе за сродкі базыльянскага манастыра, які быў у суседнім мястэчку пад назвай Імянін. Тут знаходзіўся адзін з самых вядомых уніяцкіх манастыроў на Беларусі, дзе, часам адбываліся паседжанні кіраўніцтва ордэна базыльянаў. Мураваная царква ў стылі позняга віленскага барока пры манастыры пабудавана ў 1710 годзе, а сам корпус мураваны манастыра ў 1779 годзе. З пачатку 18 стагоддзя тут жыў кіраўнік ордэна і тут рыхтавалі ўніяцкіх святароў і іканапісцаў. Мелася вялікая бібліятэка. Ад манастыра да нашага часу засталіся толькі руіны і падмуркі.

 У 19 стагоддзі уніяцтва ў Расійскай імперыі было забаронена і царкву перадалі праваслаўным вернікам. Зімой 1897 года царква ў Суботах была пераіменована з Тараканскай. Напрыканцы 19 стагоддзя пры царкве было прыпісана яшчэ два храма в Тараканях (былы ўніяцкі манастыр) і ў Лосінцах. Пры храме працавала таксама дзве царкоўна – прыхадскія школы.

 Служыла пры царкве два святара і два псаломшчыка. Меў храм таксама і сваю ўласную зямлю: сенакос, пахатная і зямля пры сядзібе царкоўнай.

Помнік узведзены ў стылі класіцызму. Складаецца з асноўнага аб'ёма і трхграннай апсіды. Асноўны аб'ём прамавугольны ў плане, які накрыты двухскатным дахам. Інтэр'ер зальнага тыпу. Над уваходам хоры. Царква адрэстаўравана.

 Каля храма ёсць старажытныя пахаванні святароў.