Толкава. Царква Казанскай іконы Божай Маці

Паміж Драгічынам і Кобрынам каля трасы М10 ёсць мястэчка Толкава. На самай ускраіне мястэчка знаходзіцца праваслаўная царква Казанскай іконы Божай Маці.

 Храм быў пабудаваны ў 1905 годзе за сродкі прыхаджан. Для будаўніцтва святыні была адведзена зямля, якую мясцоваму жыхару Луке Рыжуку была дадзена за 25 – годдзе «безупречной службе Отечеству». Пасля заключэння Рыжскага міру ў 1921 годзе мястэчка перайшло да Польшчы да 1939 года.

Храм працаваў у часы Польскай дзяржавы і ў час Вялікай Айчыннай вайны. У савецкія часы ў 1962 годзе згодна пастановы Драгічынскага раённага выканаўчага камітэта храм быў зачынены. Верхнюю частку царквы разабралі. Будынак перабудавалі і памяшканне прыстасавалі пад культутрніцкія патрэбы калгаса «1 Мая». Гэта адбылося ў 1964 годзе. Дом культуры тут працаваў да апошніх год СССР і перадалі будынак праваслаўным вернікам у 1990 годзе.

Быў праведзены рамонт храма.  Першая служба ў новай царкве адбылася ў ліпені 1991 года ў дзень святкавання Казанскай іконы Божай Маці. Да царквы прыпісаны чатыры бліжэйшыя вёскі.

 Царква складаецца з чатырох асноўных частак: прытвор, трапезная, малітоўная зала і апсіда. Над прытворам надбудавана двухярусная вежа – званіца. Храм накрыты двухсхільным дахам. Над асноўным аб'ёмам узвышаецца купал – цыбуліна на васьмігранным барабане.