Слонім. Манастыр Бенедзекцінак

У горадзе Слонім на вуліцы Чырвонаармейскай, як ехаць у гістарычны цэнтр з напрамку з Жыровічаў, знаходзіцца мураваны двухпавярховы корпус манастыра бенедзекцінак.

 Манастыр і каталіцкі касцёл быў заснаваны ў 1669 годзе ў часы Вялікага Княства Літоўскага. Касцёл быў асвячоны ў гонар Святога Крыжа. Першапачаткова будынак быў драўляны, а мураваны ўзведзены ў часы Расійскай імперыі ў 1801 годзе ў стылі класіцызму.

 Пасля Рыжскага міру ў 1921 годзе Слонім апынуўся ў складзе Польскай дзяржавы да 1939 года. У будынку манастыра працавала ў 1920 – 1930 – я гады польская настаўніцкая семінарыя. Пасля Вялікай Айчыннай вайны ў савецкія часы ў будынку размяшчалася сярэдняя школа № 1.

 Касцёл быў двухвежавы манументальны будынак у стылі класіцызму. Фасады каталіцкага храма былі ўпрыгожаны каланадай. Інтэр'ер касцёла быў аздоблены фрэскавымі роспісамі. Жылы корпус манастыра добра захаваўся да нашага часу. Будынак Г – падобны ў плане, накрыты двухсхільным дахам. Афармленне архітэктурна – дэкаратыўнае будынка захавала да нашага часу суровую прастату. Пад будынкам маюцца сутарэнні з галерэйнай планіроўкай.

 Бенедзікцінцы, або Ордэн Святога Бенедзікта лічыцца старэйшым каталіцкім ордэнам, які быў заснаваны Бенедзіктам Нурсійскім ў 6 стагоддзі.