Слонім. Будынак чыгуначнага вакзала

У горадзе Слонім ёсць чыгуначны вакзал, які па праву лічыцца адным з самых прыгожых вакзалаў на Беларусі. Першая чыгуначная лінія праз Слонім прайшла ў часы Расійскай імперыі ў 1886 годзе, бо горад распаложаны на адной з ветак Палескай чыгуначнай лініі.

Новая лінія чыгуначных шляхоў, якая ішла праз горад, злучала горад Баранавічы і Беласток. Крыху пазней на мяжы 19 – 20 стагоддзяў быў пабудаваны будынак вакзала. У Першую сусветную вайну гэта тэрыторыя была ў зоне баявых дзеянняў і апынулася пад нямецкай акупацыяй. Пасля Рыжскага міру 1921 года Слонім увайшоў у склад Польскай дзяржавы да 1939 года да прыходу савецкай улады.

За польскім часам у 1922 годзе будынак вакзала быў значна перабудаваны і мадэрнізаваны. У якім архітэктурным стылі пабудаваны чыгуначны вакзал тут даследчыкі называюць аж тры накірункі: мадэрн, неабарока і закапанскі, які быў дужа папулярны ў Польшчы ў тыя часы. Калі прыглядзецца да будынка, то ўсе тры стыля можна прасачыць, а таму давайце вызначым стыль, як эклектычны, які ў сябе ўвабраў рысы некалькіх стыляў і эпох. Побач з вакзалам знаходзіцца ваданапорная вежа, якая будавалася таксама ў гэтую і эпоху і таксама з'яўляецца помнікам.

Будынкі разам складаюць адзіны архітэктурны ансамбль. Будынак вакзала прамавугольны ў плане з мансардавым дахам. Кампазіцыя развіваецца трохступенчатым павышэннем аб'ёма. Над галоўным уваходам знаходзіцца фігурны неабарочны аб'ём.