Шышова. Царква Свята – Успенская

Мястэчка Шышова Камянецкага раёна знаходзіцца ў сямі кіламетрах ад раённага цэнтра. Упершыню ўпамінаецца ў гістарычных крыніцах у 16 стагоддзі і ў той час там быў дзяржаўны маёнтак. Уваходзіла ў склад Брэсцкага павета Брэсцкага ваяводства ў часы Вялікага Княства Літоўскага.

У 1685 годзе па фундацыі Фядоры Тышкоўскай будуецца ўніяцкая царква, бо ў тыя часы гаспадаром маёнтка была менавіта Тышкоўская. Пасля трэцяга падзелу Рэчы Паспалітай увайшло ў склад Расійскай імперыі і ў пачатку 19 стагоддзя ўніяцкую царкву перадалі праваслаўным вернікам. У 1877 годзе была пабудавана новая праваслаўная царква, якая захавалася да нашага часу. Храм асвяцілі ў гонар Святога Успенія. У часы Польскай дзяржавы ў 1930 годзе праведзена рэканструкцыя будынка. Царква зачынена ў савецкія часы ў 1961 годзе, а маёмасць разрабавана. Пасля развала СССР царкву вярнулі вернікам і ў 1991 годзе пачаўся рамонт. У верасні 1991 года храм асвяціў архіепіскап Брэсцкі і Кобрынскі Канстанцін.

 Царква прамавугольны ў плане будынак, які складаецца з трох асноўных частак: прытвор, малітоўная зала і апсіда. Да асноўнага аб'ёму прыбудавана прамавугольная апсіда і сакрысціі. Над прытворам надбудавана двухярусная – вежа – званіца васьмярык на чацвярыке. Галоўны ўваход аформлены казырком на чатырох слупах над якім трохвугольны франтон. Асноўны аб'ём накрыты двухсхільным дахам.

Неделёка перад царквой ёсць прыгожае возера на беразе якога можна адпачыць